Rihanna dhe Chris Brown nuk janë vetëm në artikuj gazetash së bashku, ata po planifikojnë të kenë një fëmijë sipas një raporti, që mediat britanike e kanë cilësuar, tronditës.
Revista Closer pretendon se Rihanna ka tronditur bosët e saj të produksionit kur u ka kërkuar “kohë të lirë” në mënyrë që ajo të kalojë më shumë kohë me Chris.
Një burim tha për revistën: “Ajo e pyeti kompaninë e saj të produksionit se, kur është koha më e mirë që ajo të merrte një pushim, pasi dëshironte një foshnje”
Mësohet se të gjithë kanë mbetur me gojë hapur, ndërsa në kalendarin e saj, deri tani të paktën, nuk ka kohë të lirë deri në vitin 2014.
Rihanna dhe Chris kanë qenë të pandashëm në javët e fundit. Rihana udhëtoi deri në Gjermani vetëm e vetëm që të kalonte kohë me yllin e muzikës RnB, ndërsa së fundi ata kanë postuar disa fotografi intime në Twitter.
Rihana u nda nga Chris Brown pasi ky i fundit e sulmoi brutalisht. Pas një periudhe të gjatë shkëputje, Rihana pati deklaruar se e dashuronte akoma Chris.